Profesor universitario con numerosas publicacións científicas no seu haber e autor de contos para adultos, volumes de poesía e varios guións de produtos audiovisuais, José Julio Fernández publica "Astropal. Un cometa con corazón", o seu primeiro libro destinado ao público infantil, no que influiu en parte a súa experiencia como Valedor do Pobo.

Astropal é un valeroso cometa que percorre sen cesar a galaxia. Un día, de súpeto, atópase cun estraño obxecto. Co seu enxeño e corazón bondadoso terá que enfrontarse a un problema que debe resolver.